Ռուսաստանն ու Չինաստանը օդ են բարձրացրել ռազմավարական ավիացիան․ ի՞նչ է սպասվում

Ռուսաստանի օդատիեզերական ուժերը և Չինաստանի ռազմաօդային ուժերը համատեղ օդային պարեկություն են իրականացրել Խաղաղ օվկիանոսի վրա, այս մասին հայտնել է ՉՀՆ պաշտպանության նախարարությունը, հաղորդում է  «ՌԻԱ Նովոստի»-ն։

«Իրականացրել են 11-րդ համատեղ ռազմավարական պարեկությունը Ճապոնական և Արևելաչինական ծովերի, ինչպես նաև Խաղաղ օվկիանոսի արևմտյան մասի օդային տարածքում»,- հայտարարել են նախարարությունում։

Նշվում է, որ այն ցույց է տվել Մոսկվայի և Պեկինի ընդհանուր հավատարմությունը տարածաշրջանային խաղաղության և կայունության պահպանմանը։

Այսօր նաև ՉՀՆ ռազմածովային ուժերի նավերն ավարտել են իրենց այցը Վլադիվոստոկ և լքել Խաղաղօվկիանոսյան նավատորմի գլխավոր բազան։