Ուկրաինական ԶՈՒ-ն զանգվածային հարվածներ է հասցրել Ռուսաստանի քաղաքներից մեկին

Ուկրաինական բանակը անօդաչու թռչող սարքերով հարվածել է Ռուսաստանի Պենզա քաղաքին:

Ռուսաստանի Պենզայի մարզում ուկրաինական անօդաչու թռչող սարքի բեկորների ընկնելու հետևանքով վնասվել է էլեկտրահաղորդման գիծը։ Այս մասին հայտնել է մարզպետ Օլեգ Մելնիչենկոն։

Նրա խոսքով՝ առավոտյան Ռուսաստանի պաշտպանության նախարարության հակաօդային պաշտպանության ուժերը խոցել են անօդաչու թռչող սարք, որի բեկորները վնասել են էլեկտրահաղորդման գիծը և ընկել կիսակառույց շենքի վրա։

Մարզպետի տեղեկություններով՝ միջադեպի հետևանքով տուժածներ չկան։ Դեպքի վայրում աշխատում են արտակարգ ծառայությունների մասնագետները։

Մելնիչենկոն նաև հայտնել է, որ մարզում շարունակում է գործել անօդաչու թռչող սարքերի վտանգի ռեժիմը և բնակիչներին կոչ է արել պահպանել զգոնությունը։