«Էսի ձեր 20 մանեթը, գացեք ընտրեք, թողեք, գացեք ձեր տուն»․ ընտրակաշառքի գործով ձայնագրություն է հրապարակվել

Ըստ Հակակոռուպցիոն կոմիտեի՝ տվյալներ են ստացվել, որ «Ուժեղ Հայաստան» կուսակցության Գավառ համայնքի գրասենյակի պատասխանատուն՝ նույն կուսակցության համակիրների հետ, խմբի կազմում, Ազգային ժողովի ընտրությունների ժամանակ հիշյալ կուսակցության օգտին քվեարկելու պայմանով մի շարք ընտրողների տրամադրել է տարբեր չափերի ընտրակաշառք։

Ձայնագրության մեջ հնչում են հետևյալ արտահայտությունները․

«Էսի ձեր 20 մանեթը, գացեք ընտրեք, թողեք, գացեք ձեր տուն»։

Նույն ձայնագրության մեջ նաև նշվում է․
«Էս մեկին մի հատ 30 հազար դրամ տվել ենք, կարանք էլ չտանք»։
«40 էլ կտաս էն ճժին»։

Խոսակցություններում անդրադարձ է կատարվում նաև ընտրացուցակների և քվեարկության կազմակերպման գործընթացին։