ՏԵՍԱՆՅՈՒԹ. Հուլիսի 6-ից 50.000 դրամ վճարով հնարավոր կլինի վերականգնել վարորդական իրավունքը՝ առանց քննություն հանձնելու

Կառավարության նիստի ընթացքում հայտարարվեց, որ հուլիսի 6-ից ուժի մեջ է մտնում վարորդական իրավունքների վերականգնման վերաբերյալ օրենսդրական նախաձեռնությունը։

Նոր կարգի համաձայն՝ վարչական կարգով վարորդական իրավունքից զրկված անձինք կարող են վերականգնել իրենց իրավունքը՝ առանց տեսական կամ գործնական քննություն հանձնելու։ Դրա համար անհրաժեշտ է գրանցվել և վճարել 50 հազար դրամ պետական տուրք։

Նշվեց նաև, որ փոփոխությունը տարածվում է միայն վարչական կարգով վարորդական իրավունքից զրկված անձանց վրա և չի վերաբերում այլ հիմքերով վարորդական իրավունքից զրկվածներին։

Կառավարության նիստում վարչապետը նաև հորդորեց իրականացնել իրազեկման ակցիաներ, որպեսզի քաղաքացիները տեղեկացված լինեն նոր կարգի մասին։

Ընթացքում հիշեցվեց նաև, որ նախընտրական շրջանում այս հարցի վերաբերյալ խոստումներ էին տրվել, իսկ այժմ նախաձեռնությունն արդեն ուժի մեջ է մտնում։