Ադրբեջանը խստացնում է սոցցանցերի կանոնները

Ադրբեջանի խորհրդարանն ընդունել է օրենսդրական փոփոխություններ, որոնցով արգելվում է 16 տարեկանը չլրացած քաղաքացիների գրանցումը սոցիալական հարթակներում։

Միլլի Մեջլիսի ընդունած փոփոխությունների համաձայն՝ սոցիալական ցանցերում 16 տարեկանից ցածր անձանց գրանցումն արգելվում է։

Ծրագրվում է օգտատերերի տարիքային տվյալները ստուգել հեռախոսահամարի, էլեկտրոնային փոստի, ինչպես նաև բանկային քարտի օգնությամբ։ Փոխանցված տեղեկությունների ճշգրտության ապահովման պարտավորությունը դրվելու է պրովայդերների վրա։ Իսկ 16-ից մինչև 18 տարեկան անձանց գրանցման գործընթացի համար անհրաժեշտ կլինի օրինական ներկայացուցչի համաձայնությունը։