Քվեարկության ծրարների շուրջ նոր սկանդալ․ ԲՀԿ-ն պահանջում է փորձաքննություն

ԲՀԿ-ն Սահմանադրական դատարանին միջնորդություն է ներկայացրել՝ քվեարկության ծրարների թափանցիկությունը պարզելու նպատակով փորձաքննություն անցկացնելու վերաբերյալ։

ԿԸՀ նախագահ Վահագն Հովակիմյանը հայտնել է, որ այդ ծրարների, ինչպես նաև քվեաթերթիկների մատակարարմամբ զբաղվել է «Տիգրան Մեծ» հրատարակչությունը։

Նա փաստել է, որ ընտրատարածքներից բոլոր օգտագործված ծրարներն ու քվեաթերթիկները համապատասխան ձևով փաթեթավորվել և հանձնվել են որպես թափոն։ Միևնույն ժամանակ, Հովակիմյանը նշել է, որ նույն խմբաքանակից դեռևս առկա են չօգտագործված ծրարներ, որոնք հնարավոր է տրամադրել փորձաքննություն իրականացնելու համար։