Վահագն Հովակիմյանը չի կարող լինել անկախ և անաչառ. Արամ Վարդևարյան

Սահմանադրական դատարանում ընթացող քննության շրջանակներում Արամ Վարդևարյանը հայտարարել է, որ Կենտրոնական ընտրական հանձնաժողովի նախագահ Վահագն Հովակիմյանն օբյեկտիվորեն չի կարող անկախ և անաչառ լինել:

Վարդևարյանի պնդմամբ՝ դա պայմանավորված է նրանով, որ Հովակիմյանը ոչ միայն եղել է կուսակցության անդամ, այլև հանդիսացել է հիմնադիր անդամ։ 

Ըստ նրա՝ վարչական դատարանի վճիռը չկատարելու միջոցով վերաքվարկության հետ կապված կատարվածն ուղղակիորեն առնչվում է ընտրակեղծարարության հետ, քանի որ վճռում բառացի գրված էր, որ ԿՀ-ն ստիպված է լինելու իրականացնել վերաքվեարկություն։ 

Նա նշել է, որ Սահմանադրական դատարանում գնահատականները առավելապես իրավական տիրույթում են, և հայցել է հայրենակիցների ներողամտությունը, եթե օգտագործվող տերմինները չափազանց իրավական են ու երբեմն ոչ հետաքրքիր, քանի որ ՍԴ-ն իր որոշումներում հենց այդպիսի բառամթերք է կիրառելու։