Հրապարակային չէինք խոսում. Քոչարյանն իր և Սերժ Սարգսյանի հարաբերությունների մասին

Ռոբերտ Քոչարյանը «Տետ ա տետ» հաղորդման ժամանակ հայտնել է, որ Սերժ Սարգսյանի հետ որևէ հարաբերություններ չկան, և շփումները դադարեցվել են 2009 թվականի ուշ աշնանը։

«Այն ժամանակ ես ուղղակի որոշ քայլերի, որոշումների հետ համաձայն չէի, փորձում է մեր հանդիպումների ժամանակ դրա մասին ասել։ Հետո տեսա, որ դա չի փոխում ոչինչ և սկսեցի որոշակի հրապարակային կարծիք արտահայտել։ Սա բերեց հարաբերություններում որոշակի լարվածության։ 2009-ի նոյեմբերից մինչև 2018 թվականը իրեն տեսել եմ մի 4-5 անգամ՝ միջոցառումների ժամանակ՝ իմ մոր թաղման, իր հոր թաղման, բանակի հետ կապված հոբելյանական միջոցառումներին և Ղարաբաղում շքերթին։

Հրապարակային դրա մասին չէինք խոսում և մարդկանց մոտ տպավորություն էր, թե ինչ արվում է՝ ես էլ կամ դրա մեջ, միասին ենք անում։ Իրականությունը բոլորովին ուրիշ է»,- նշել է նա։