ՏԵՍԱՆՅՈՒԹ. ՔՊ-ում Թուրքիայի ազդեցության տակ գտնվող գործիչներ կան. Նարեկ Կարապետյան

«Ուժեղ Հայաստան» դաշինքի ընտրական ցուցակի առաջին համար Նարեկ Կարապետյանը հայտարարել է, որ ՔՊ-ի կազմում կան Թուրքիայում կրթություն ստացած և այդ երկրի ազդեցության տակ գտնվող տարբեր գործիչներ, ուստի հետախուզությունը պետք է ճիշտ գործի՝ գործակալներին բացահայտելու համար։

Լրագրողների հետ զրույցում դաշինքի առաջին համարն ընդգծել է հետաքննություն անցկացնելու անհրաժեշտությունը՝ պարզելու համար, թե ինչպես է անձը կրթություն ստացել Թուրքիայում, սակայն հերքել է այդ փաստը։ Նրա խոսքով՝ Ալիկ Ալեքսանյանն այդ մասին տվյալներ է հրապարակել, բայց նույնիսկ դրանից հետո տվյալ անձը չի բարեհաճել հանրությանը պարզաբանել, թե ինչու է խաբել, իսկ ներկայումս նա ուղղակի ազդեցություն ունի հայ-թուրքական հարաբերությունների վրա։