ՏԵՍԱՆՅՈՒԹ. Ուկրաինայի հարցով ՌԴ-ին դաշնակից չենք. Նիկոլ Փաշինյան

Նիկոլ Փաշինյանն ասուլիսի ժամանակ անդրադարձավ Ուկրաինայի նախագահի այցին: Դիտարկմանը, թե Զելենսկու այցը Երևան ընկալվել է որպես հակառուսական քայլ, նա պատասխանեց.


«Ես նախկինում էլ այդ թեմայով արել եմ հայտարարություններ. մենք Ուկրաինա հումանիտար օգնություն ենք ուղարկել, և ես դեռ 2022 կամ 2023 թվին ասել եմ, որ Ուկրաինայի հարցով մենք դաշնակից չենք Ռուսաստանին»:

Փաշինյանը հիշեցրեց նաև Ալմա-Աթայի հռչակագրի մասին.

«Ալմաթայի հռչակագիրը կարևոր և սկզբունքային նշանակություն ունի մեզ համար, և մենք հենվում ենք Ալմաթայի հռչակագրի վրա, և այդ հենքի վրա ենք կառուցել, կառուցում խաղաղությունը Ադրբեջանի հետ»,- ասաց Փաշինյանը:

Հիշեցնենք` Ուկրաինայի նախագահ Վլադիմիր Զելենսկին Երևան էր այցելել մայիսի 4-ին՝ մասնակցելու Եվրոպական քաղաքական համայնքի 8-րդ գագաթնաժողովին։