Ողջունում ենք 30 միլիոն եվրոյի տամադրումը. հայտարարություն

Հայաստան-Եվրոպական Միություն գագաթնաժողովի արդյունքներով համատեղ հայտարարության մեջ անդրադարձ է կատարվել ՀՀ-ին Եվրոպական միությունը «Խաղաղության եվրոպական հիմնադրամի» միջոցով 30 միլիոն եվրոյի հասնող երկու անգամ տրամադրված աջակցությանը:

 
Հայտարարության 29-րդ կետում գրված է. «Մենք ողջունում ենք Եվրոպական խաղաղության գործիքի ներքո Հայաստանին 30 միլիոն եվրոյի հասնող երկու անգամ տրամադրված ոչ մահաբեր աջակցությունը, որը միտված է ամրապնդելու Հայաստանի դիմակայունությունը և խթանելու զինված ուժերի փոխգործելիությունը՝ ապագայում, միջազգային առաքելություններին և գործողություններին, այդ թվում՝ ԵՄ կողմից իրականացվող, հնարավոր մասնակցության համար»։

 
Նշենք, որ 2024 թվականի ամռանը հիմնադրամն առաջին անգամ Հայաստանի համար հաստատել էր 10 միլիոն եվրո, որից հետո՝ 2026 թվականի հունվարին, որոշում էր կայացվել տրամադրել ևս 20 միլիոն եվրո: