Հարվածներ կհասցվեն. Պենտագոնի նախազգուշացումը` Իրանին

Պենտագոնի ղեկավար Փիթ Հեգսեթը հայտարարել է, որ Թեհրանի կողմից խաղաղության գործարքը մերժելու պարագայում ԱՄՆ-ն կշարունակի Իրանի նավահանգիստների շրջափակումը և կթիրախավորի ենթակառուցվածքները։

ԱՄՆ պաշտպանության նախարար Փիթ Հեգսեթի փոխանցմամբ՝ եթե Իրանը հրաժարվի խաղաղության գործարքից, ապա Միացյալ Նահանգները կպահպանի այդ երկրի ծովային նավահանգիստների շրջափակումը։ 


Բացի այդ, Պենտագոնի ղեկավարը նշել է, որ հարվածներ կհասցվեն իրանական ենթակառուցվածքային օբյեկտներին։

Լրագրողների հետ զրույցում Հեգսեթը մասնավորապես ասել է. «Եթե Իրանը սխալ ընտրություն կատարի, ապա նրան սպասվում է շրջափակում և ենթակառուցվածքների, էլեկտրակայանների ու էներգետիկ ոլորտի ձեռնարկությունների ռմբակոծություններ»։