ՏԵՍԱՆՅՈՒԹ. Չնայած խաթարման ջանքերին` Ադրբեջանը միտված է խաղաղության օրակարգին. Ալիև

«Մենք ավելի քան 9 ամիս խաղաղ ապրում ենք և սովորում ենք ապրել խաղաղության մեջ»,- ԵՔՀ գագաթնաժողովի լիագումար նիստում իր ելույթում նշեց Ադրբեջանի նախագահ Ալիևը, ով տեսակապով էր միացել գագաթնաժողովին։


«Ադրբեջանը միակողմանիորեն հանեց բոլոր տարանցման սահմանափակումները, որոնք դրված էին դեռ 90-ականների սկզբից։ Այդ պահից ի վեր մի քանի հազար տոննա բեռ հասել է Հայաստան Ադրբեջանի տարածքով։ Ադրբեջանը էլ ավելի առաջ գնալով սկսել է մատակարարել մեր նավթամթերքը, մասնավորապես բենզինը և դիզելը, առաջին անգամ դեպի Հայաստան՝ համապատասխանաբար ստեղծելով հենք մեր առևտրային հարաբերությունների համար»,- նշել է Ալիևը։


Ավարտելով իր ելութը Ալիևը շնորհակալություն հայտնել և շնորհավորել վարչապետ Փաշինյանին Հայաստանում ԵՔՀ գագաթնաժողովի անցկացման կապակցությամբ և նշեց. «Չնայած բոլոր այն մարդկանց ջանքերին, ովքեր փորձում են խաթարել այս գործընթացը, Ադրբեջանը միտված է խաղաղության օրակարգին, և իմ հայ գործընկերոջ ելույթը շատ հստակ դա ընդգծեց»: