ՏԵՍԱՆՅՈՒԹ. ԱՄՆ-ն իրանական բեռնատար նավ է ռմբակոծել

Արաբական ծովում գործող ԱՄՆ ուժերը ապրիլի 19-ին ծովային շրջափակման ապահովման միջոցներ են կիրառել իրանական բեռնատար նավի նկատմամբ, որն ուղևորվում էր իրանական նավահանգիստ, հայտնել են ԱՄՆ Զինված ուժերի Կենտրոնական հրամանատարությունում:

Նշվում է, որ ԱՄՆ ռազմածովային ուժերի ականակիրը կանգնեցրել է Touska նավը Արաբական ծովի հյուսիսային մասում: Ամերիկյան ուժերը բազմիցս զգուշացրել են նավին շրջափակման խախտման մասին:

Այն բանից հետո, երբ Touska-ի անձնակազմը վեց ժամ շարունակ անտեսել է զգուշացումները, ռազմածովային նավը հրամայել է շարքից հանել է նավը՝ արձակելով մի քանի արկ 127 մմ-անոց MK 45 հրանոթից: Ավելի ուշ նավը վերցվել է ԱՄՆ ծովային հետևակի հսկողության տակ:

Շրջափակման ներդրման պահից ի վեր ԱՄՆ-ն վերաուղղորդել է 25 առևտրային նավ՝ ստիպելով նրանց հետ շրջվել կամ վերադառնալ իրանական նավահանգիստ, ասվում է հաղորդագրության մեջ: