Իսրայելը վերսկսել է հարվածները Լիբանանում

Իսրայելի պաշտպանության ուժերը (IDF) մի շարք հարվածներ են հասցրել հարավային Լիբանանին՝ չնայած հրադադարի համաձայնագրին: IDF հրամանատարությունը հայտարարել է, որ հարձակումները իրականացվել են հրադադարը խախտած և իսրայելական դիրքերին մոտեցած զինված խմբավորումներից «անմիջական սպառնալիքը» վերացնելու համար:

Գործողությանը մասնակցել են Ռազմաօդային ուժերը, հրետանին և ցամաքային ստորաբաժանումները: IDF-ն ընդգծել է, որ հրադադարը չի սահմանափակում բանակի ինքնապաշտպանության իրավունքը, և իսրայելական ուժերը կշարունակեն մաքրել իրենց վերահսկողության տակ գտնվող տարածքները ահաբեկչական ցանկացած ենթակառուցվածքից: