ՏԵՍԱՆՅՈւԹ. Ինչպես են Արման Ծառուկյանին ստիպում իջնել ինքնաթիռից

Համացանցում կադրեր են տարածվել, թե ինչպես են իրավապահները UFC մարտիկ Արման Ծառուկյանին ստիպում լքել ինքնաթիռը։

Տեսանյութում երևում է, թե ինչպես են ոստիկանության աշխատակիցները մոտենում օդանավում գտնվող մարտիկին և հորդորում նրան դուրս գալ։ Արման Ծառուկյանը, հետևելով իրավապահների ցուցումներին, վերցնում է իր իրերն ու հեռանում օդանավի սրահից։ 

Ավելի վաղ լրագրող Ադամ Զուբայրաևը X սոցիալական ցանցում հայտնել է, որ մարզիկին իջեցրել են ԱՄՆ ներքին չվերթ իրականացնող ինքնաթիռից։ Ապրիլի 19-ի գիշերը՝ Մոսկվայի ժամանակով, Ֆիլադելֆիայում նախատեսված է RAF 8 մրցաշարը, որտեղ Ծառուկյանի մրցակիցը լինելու է ամերիկացի Յուրայա Ֆեյբերը։

Զուբայրաևի փոխանցմամբ՝ Արման Ծառուկյանին և նրա երկու ընկերներին American Airlines-ի օդանավից հեռացնելու պատճառը թռիչքի ընթացքում հեռախոսի մեջ նայելն է եղել։