Հայ հարձակվողը` Անգլիայի Պրեմիեր լիգայո՞ւմ

Ֆուտբոլի Հայաստանի ազգային հավաքականում նորամուտը նշելուց հետո, «Սանդերլենդի» 18-ամյա հարձակվող Ֆինն Գերագուսյանը հայտնվել է Պրեմիեր լիգայում ելույթ ունեցող անգլիական ակումբի ուշադրության կենտրոնում: Թեև ֆուտբոլիստը դեռ հանդես չի եկել հիմնական կազմում, գլխավոր մարզիչ Ռեժիս Լե Բրին բարձր է գնահատել նրա հեռանկարները:

«Նա հիանալի հարմարվել է ակումբի մտածելակերպին: Այս լիգայում հաջողության հասնելու համար անհրաժեշտ է ուժեղ պայքար մենապայքարներում և «երկրորդ հարկում». Ֆիննն այդ առումով բազմակողմանի զարգացած է: Չնայած երիտասարդ տարիքին՝ ինձ շատ է դուր գալիս նրա խաղաոճը», — նշել է Լե Բրին:

 Գերագուսյանը Հայաստանի հավաքականի կազմում իր առաջին հանդիպումն անցկացրեց մարտի 29-ին՝ Բելառուսի դեմ ընկերական խաղում (փոխարինման դուրս գալով 64-րդ րոպեին):