Նրանք համաձայնել են վերադարձնել հարստացված ուրանը. Թրամփ

ԱՄՆ նախագահ Դոնալդ Թրամփը պնդում է, որ Իրանը պատրաստակամություն է հայտնել Միացյալ Նահանգներին հանձնել հարստացված ուրանը։ 


Washington Post թերթը մեջբերում է նրա խոսքերը. «Իրանը չունի միջուկային զենք, և նրանք համաձայնել են դրան... Նրանք համաձայնել են մեզ վերադարձնել միջուկային փոշին, որը գտնվում է խորը գետնի տակ՝ B-2 ռմբակոծիչների օգնությամբ մեր հասցրած հարվածների պատճառով»։ Հրատարակությունը հստակեցնում է, որ «միջուկային փոշի» ասելով՝ Թրամփը նկատի ունի բարձր հարստացված ուրանը։

Հիշեցնենք, որ փետրվարի 28-ին ԱՄՆ-ն և Իսրայելը սկսել էին հարվածներ հասցնել Իրանի տարածքում գտնվող օբյեկտներին, ինչի հետևանքով զոհվել է ավելի քան երեք հազար մարդ։ 

Ապրիլի 8-ին կողմերը հայտարարել էին երկշաբաթյա հրադադարի մասին, սակայն դրան հաջորդած բանակցություններն Իսլամաբադում արդյունք չտվեցին։ Թեև մարտական գործողությունների վերսկսման մասին տեղեկություններ չկան, ԱՄՆ-ն ձեռնամուխ է եղել իրանական նավահանգիստների շրջափակմանը։ Միջնորդներն այժմ ջանքեր են գործադրում բանակցային նոր փուլ կազմակերպելու ուղղությամբ։