ՆԱՏՕ-ի ուժերի կուտակում` ՌԴ սահմանի հարևանությամբ

Ֆինլանդիայում կազմակերպվող զորավարժություններին կմասնակցեն 19 հազար զինծառայողներ ԱՄՆ-ից, Մեծ Բրիտանիայից, Ֆրանսիայից, Լեհաստանից, Մերձբալթյան երկրներից, Նորվեգիայից, Իտալիայից և Հունգարիայից։

Ռուսաստանի Դաշնության սահմանի անմիջական հարևանությամբ կիրականացվեն «Կարելյան սուր 26» ամենազանգվածային մանևրները, որոնցում կներգրավվի 10 հազար մարդ։ Արտիլերիայի կրակոցների մի հատվածը նախատեսված է սահմանից հեռու ընդամենը 70 կիլոմետրի վրա։ Դաշինքը նպատակ ունի մշակել զրահատեխնիկայի գործադրմամբ հարձակողական գործողություններ և ՀՕՊ գործողություններ։

Զորավարժությունների ընթացքում ընդհանուր առմամբ կօգտագործվի ավելի քան 500 միավոր տեխնիկա։ Միջոցառումները կմեկնարկեն ապրիլի 24-ին և կշարունակվեն մինչև մայիսի վերջ։