Ուկրաինական հակամարտության հանգուցալուծումը «ճանապարհին է». Թրամփ

ԱՄՆ նախագահ Դոնալդ Թրամփը հայտնել է, որ ուկրաինական հակամարտության հանգուցալուծումը ներկայումս «ճանապարհին է»։

Fox Business հեռուստաալիքին տված հարցազրույցում նա նշել է, որ ինքն արդեն կարգավորել է ութ պատերազմ, իսկ իններորդը հիմա ընթացքի մեջ է։ Դոնալդ Թրամփը նախկինում ևս բազմիցս շեշտել էր, որ Ուկրաինայում տիրող իրավիճակը կարող է դառնալ իր կողմից լուծված իններորդ հակամարտությունը։

Նշենք, որ մարտի վերջին կատարած հայտարարության մեջ Թրամփը շեշտադրել էր  Ռուսաստանի և Ուկրաինայի ղեկավարների թշնամանքի մակարդակը։

Նա հորդորել է փոխզիջման գնալ հակամարտությանը վերջ տալու համար։ Բացի այդ, Թրամփը նշել է, որ Վաշինգտոնը ձգտում է կազմակերպել Ռուսաստանի և Ուկրաինայի նախագահների հանդիպումը՝ համապատասխան գործարք կնքելու նպատակով։