Թրամփը նամակ է գրել Չինասատանի նախագահին

ԱՄՆ նախագահ Դոնալդ Թրամփը հայտնել է Չինաստանի առաջնորդ Սի Ծինփինից ստացված նամակի մասին, որտեղ վերջինս հերքում է Իրանին զենք մատակարարելու լուրերը։

Ինչպես հաղորդում է ՏԱՍՍ-ը, Fox Business հեռուստաալիքին տված հարցազրույցում Դոնալդ Թրամփը նշել է, որ Չինաստանի նախագահն իրեն պատասխան նամակ է ուղարկել։ Սպիտակ տան ղեկավարի խոսքով՝ ինքը նախապես գրել էր Սի Ծինփինին՝ խնդրելով սպառազինություն չմատակարարել Իրանին, քանի որ նման տեղեկություններ էին շրջանառվում։ Թրամփը մեջբերել է. «Նա վերջերս ինձ մի հիանալի նամակ է գրել։ Նա պատասխանել է իմ ուղարկած նամակին, քանի որ ես լսել էի, որ Չինաստանը զենք է մատակարարում Իրանին. այդ մասին խոսում են ամենուր։ Ես նրան նամակ գրեցի՝ խնդրելով չանել դա, իսկ նա ինձ պատասխանեց, որ, ըստ էության, ինքը դա չի անում»։