Փաշինյանի հայտարարաությունը` Ռուսասատնի հետ հարաբերությունների մասին

ՀՀ վարչապետ Նիկոլ Փաշինյանն Ազգային ժողովում հայտարարել է, որ հայ-ռուսական հարաբերություններն այժմ գտնվում են պատմականորեն ամենաբարձր մակարդակի վրա։

Խորհրդարանում կայացած հարցուպատասխանի ընթացքում կառավարության ղեկավարը հորդորել է դիտարկել Հայաստանի ու Ռուսաստանի միջև առկա շփումների դինամիկան՝ համեմատելով նախորդ ժամանակահատվածների հանդիպումների, հեռախոսազրույցների և փոխադարձ այցերի հաճախականության հետ։

Ըստ վարչապետի՝ սադրիչ հայտարարություններ անողները նպատակ ունեն կաթվածահար անել ԵԱՏՄ-ն։ Նա հիշեցրել է, որ Հայաստանը հանդիսանում է ԵԱՏՄ անդամ և որոշումներ կայացնող հինգ երկրներից մեկը։ Փաշինյանը նշել է, որ սադրանքների դիմողները ցանկանում են կործանել ԵԱՏՄ-ն՝ որպես կազմակերպություն, և հավելել, որ ավելի լավ է կառույցը զերծ պահել նման գործողություններից։ «Ես ասում եմ՝ ՌԴ-ի հետ չենք վիճել և չենք վիճելու»,- ընդգծել է վարչապետը։