Փեզեշքիանը բանակցությունների հետ կապված հայտարարություն է տարածել

Իրանի նախագահ Մասուդ Փեզեշքիանը հայտարարել է, որ ԱՄՆ-ի հետ ընթացող բանակցություններին մասնակցող իրանական պատվիրակությունը վճռականորեն պաշտպանելու է երկրի շահերը։ Նա այդ մասին գրել է X սոցիալական հարթակում՝ անդրադառնալով Պակիստանում անցկացվող հանդիպումներին։

Նրա խոսքով՝ Թեհրանը ներկայացնող բարձրաստիճան պատվիրակությունը լիարժեք ջանքեր է գործադրելու բանակցային գործընթացում՝ ապահովելու ազգային առաջնահերթությունների պահպանումը։ Նա ընդգծել է, որ իշխանությունները շարունակում են իրենց աշխատանքը՝ անկախ բանակցությունների ընթացքից կամ արդյունքներից։

Փեզեշքիանը նշել է, որ կառավարության գործունեությունը ուղղված է երկրի բնակչության շահերին և չի դադարելու որևէ հանգամանքում՝ հավելելով, որ պետական կառույցները մշտապես կանգնած են ժողովրդի կողքին՝ անկախ արտաքին զարգացումներից։