Եթե համաձայնությունը չկայանա, հետևանքները կարող են լինել «շատ ցավոտ». Թրամփ

ԱՄՆ նախագահ Դոնալդ Թրամփը հայտարարել է, որ «շատ լավատեսորեն» է գնահատում Իրանի հետ հնարավոր համաձայնության հասնելու հեռանկարը։ Նրա խոսքով՝ վերջին շրջանում իրանական կողմի դիրքորոշումը դարձել է առավել զուսպ և հաշվենկատ։

Թրամփը նշել է, որ Իրանը պատրաստակամություն է ցուցաբերում ընդունել այն պայմանները, որոնք, իր կարծիքով, պետք է ընդունի։ Միաժամանակ նա ընդգծել է, որ եթե համաձայնությունը չկայանա, հետևանքները կարող են լինել «շատ ցավոտ»։

Նա նաև տեղեկացրել է, որ զրույց է ունեցել Իսրայելի վարչապետ Բենիամին Նեթանյահուի հետ՝ նշելով, որ անհրաժեշտ է գործել ավելի զուսպ և խուսափել իրավիճակի սրացումից։