Իսրայելական բանակը հայտնել է Թեհրանի վրա նոր հարվածների մասին

Իսրայելական բանակը հայտարարել է Թեհրանի ուղղությամբ իրականացված նոր հարվածների մասին։

Իսրայելական կողմի տվյալներով՝ հարվածների թիրախների թվում եղել են Իսլամական հեղափոխության պահապանների կորպուսի (ԻՀՊԿ) ռազմաօդային ուժերի հրամանատարական կետերը և կառավարման կենտրոնները։ Նշվում է նաև, որ հարվածներ են հասցվել ԻՀՊԿ Իմամ Հուսեյնի անվան կենտրոնական ռազմական համալսարանի տարածքում գտնվող օբյեկտներին, որոնք օգտագործվում էին ռազմական գործողությունների ղեկավարումը կազմակերպելու համար, ինչպես նաև բալիստիկ հրթիռների պահեստներին և արտադրական օբյեկտներին։

ԻՀՊԿ-ն իր հերթին հայտնել է, որ հարվածներ են հասցվել նաև Ներքին անվտանգության ուժերի շտաբին, Բասիջի բազաներին և հետախուզական հրամանատարական կենտրոնին։