Ադրբեջանում հեղաշրջում ծրագրած պատգամավորը հրաժարվում է ցուցմունք տալ․ մանրամասներ
Ադրբեջանում Ժողովրդական ճակատ կուսակցության ղեկավար Ալի Քերիմլիի պաշտպանության կոմիտեն հանդես է եկել հայտարարությամբ՝ պահանջելով անհապաղ ազատ արձակել ընդդիմադիր գործչին և մյուս քաղաքական կալանավորներին։ Տեղի լրատվամիջոցների փոխանցմամբ՝ Կոմիտեն պնդում է, որ հարուցված քրեական գործը քաղաքական դրդապատճառներ ունի և կոչ է անում միջազգային կառույցներին առավել ակտիվ արձագանքել իրավիճակին, կազմակերպել բողոքի ցույցեր։
Քերիմլին ձերբակալվել է 2025 թվականի նոյեմբերին՝ իր խորհրդական Մամեդ Իբրահիմի հետ միասին։ Նրանց մեղադրանք է առաջադրվել սահմանադրական կարգը բռնի կերպով փոփոխելու նպատակով գործողություններ իրականացնելու համար։
Ալի Քերիմլին հրաժարվում է ցուցմունք տալ՝ նշելով, որ իրեն առաջադրված մեղադրանքները հիմնազուրկ են։ Պաշտպանության կոմիտեի համանախագահ Ջամիլ Հասանլին ընդգծել է, որ ընդդիմադիր գործիչը երկար տարիներ ենթարկվել է հետապնդումների։
