Թաքեր Կարլսոնը ներողություն է խնդրել Իսրայելի նախագահ Իցհակ Հերցոգից
Ամերիկացի քաղաքական մեկնաբան Թաքեր Կարլսոնը ներողություն է խնդրել Իսրայելի նախագահ Իցհակ Հերցոգից։
Կարլսոնը ներողություն է հայտնել այն բանից հետո, երբ ԱՄՆ-ի Իսրայելում դեսպան Մայք Հաքաբիի հետ հարցազրույցի ընթացքում հայտարարել էր, թե Հերցոգը այցելել է ամերիկացի ֆինանսիստ Ջեֆրի Էփշտեյնի կղզի։
X հարթակում հրապարակված տեսանյութում Կարլսոնը նշել է, որ Իսրայելի նախագահի գրասենյակից նամակ է ստացել, որտեղ ընդգծվում է՝ Հերցոգը երբեք չի հանդիպել և որևէ կապ չի ունեցել Էփշտեյնի հետ։
«Ես որևէ ապացույց չունեմ, որ նա երբևէ այցելել է կղզի։ Ներողություն եմ խնդրում այն բանի համար, որ ակնարկեցի՝ իբր գիտեմ մի բան, որն իրականում չգիտեի», — հայտարարել է Կարլսոնը։
Իսրայելի նախագահի գրասենյակը նախկինում ևս հերքել էր Հերցոգի և Էփշտեյնի միջև որևէ կապի մասին ակնարկները՝ ընդգծելով, որ նման հայտարարությունները փաստական հիմք չունեն։
