«Մեկը բոլորի համար, բոլորը՝ մեկի»․ Ֆոն դեր Լեյենի ուղերձը Մյունխենում

Եվրահանձնաժողովի նախագահ Ուրսուլա ֆոն դեր Լեյենը Մյունխենի անվտանգության համաժողովում հանդես է եկել կոշտ ուղերձով՝ հայտարարելով, որ Եվրոպական միությունը պետք է փոխադարձ պաշտպանության իր հանձնառությունը սկզբունքից վերածի գործնական իրականության։

Նրա խոսքով՝ ժամանակն է կյանքի կոչելու ԵՄ պայմանագրի 42.7-րդ հոդվածը՝ փոխադարձ պաշտպանության մասին դրույթը։

«Փոխադարձ պաշտպանությունը Եվրոպական միության համար ընտրովի պարտավորություն չէ, այլ հստակ և իրավականորեն ամրագրված հանձնառություն՝ նախատեսված մեր սեփական պայմանագրով», — հայտարարել է նա։

Ֆոն դեր Լեյենը դրույթի էությունը ձևակերպել է պարզ սկզբունքով՝ «մեկը բոլորի համար, բոլորը՝ մեկի»։