Նոր կարգավորումներ են սահմանվել էլեկտրոնային դրամապանակներ ունեցողների համար
Իդրամ վճարային համակարգն իր բաժանորդներին տեղեկացրել է, որ մարտի 2-ից էլեկտրոնային դրամապանակներում առկա դրամական միջոցների վրա կարող են տարածվել հարկադիր կատարումն ապահովող ծառայության կողմից կիրառվող արգելանքներ կամ գումարի բռնագանձումներ, եթե տվյալ հաշվի օգտատիրոջ նկատմամբ առկա է կատարողական վարույթ: Փոփոխությունը պայմանավորված է ՀՀ օրենսդրության փոփոխությամբ: Հիշեցնենք, որ «Իդրամ» ՍՊԸ-ն վերահսկվում է ՀՀ ԿԲ կողմից:
Այս հաղորդագրությունից հետո Auroranews-ը բազմաթիվ զանգեր է ստացել իր ռադիոլսողներից:
Auroranews-ին՝ Հարկադիր կատարումն ապահովող ծառայությունից հայտնում են, որ օրենսդրական նոր կարգավորումների համաձայն՝ կատարողական վարույթի շրջանակում ս․թ․ մարտի 2-ից պարտապանի ունեցած պարտավորության չափով արգելանք է կիրառվելու, և բռնագանձվելու են վճարահաշվարկային կազմակերպություններում պարտապանի էլեկտրոնային փողի հաշվառման հաշվին, այսինքն՝ էլեկտրոնային դրամապանակում, առկա դրամական միջոցները։
