Վահագն Ալեքսանյանը հայտարարել է «Դաշնակցության» նոր կարգախոսը

Ազգային ժողովում ՀՌՀ անդամ Հակոբ Հակոբյանի լիազորությունները դադարեցնելու հարցի քննարկման ընթացքում «Քաղաքացիական պայմանագիր» խմբակցության պատգամավոր Վահագն Ալեքսանյանն անդրադարձավ Արմեն Ռուստամյանի հայտարարությանը՝ նշելով, թե Դաշնակցության դեմ ծանր հրետանի կիրառելու անհրաժեշտություն չկա, և «մի «ռագատկեն» ամբողջությամբ հերիք է»:

Նրա խոսքով՝ Դաշնակցությունն այլևս այն հին, բարի, ուժեղ, մեծ կուսակցությունը չէ և վերածվել է մի ուժի, որը պարզապես սարսափում է խոսքից:

«Շատ վաղուց է եկել ժամանակը, որ Դաշնակցության կարգախոսը փոխվի, որովհետև Դաշնակցությունն անցած դարի վերջերից «Մահ կամ ազատություն» կարգախոսի հետ ոչ մի առերեսում,  ոչ մի կապ չունի»,- ասել է «Քաղաքացիական պայմանագիր» խմբակցության պատգամավոր Վահագն Ալեքսանյանը։