Փոփոխություններ՝ ՀՀ դրոշի վարվեցողության կարգում․ Փաշինյան

Վարչապետ Նիկոլ Փաշինյանը Կառավարության հերթական նիստի ժամանակ անդրադարձել է պետական դրոշի նկատմամբ վերաբերմունքին։

«Դրոշը տանում ենք, մի տեղ տնկում ենք, ասում ենք` լավ գործ արեցինք, հետո կմաշի, թե կճղվի, ոչ ոքի հոգսը չի։ Ես առիթ ունեցել եմ ասելու, երբ պետական կառավարման համակարգում դրոշի հետ վերաբերմունքի առերեսվեցի, ինձ համար զարմանալի էր, որ իմ ռեակցիան զարմանալի էր շատերի համար: Պետական կառավարման մարմնում գետնին գցած դրոշ տեսա ու դրա հետ կապված շատ խիստ որոշումներ կայացրեցի, և պարզվեց, որ այդ որոշման հետ կապված կարծիքն այդքան էլ միանշանակ չէր: Հիմա արդեն ունենք վարչական իրավախախտումների մասին օրենսգրքում փոփոխություններ՝ պետական դրոշի հետ կապված վարվեցողության կանոնները խախտելու համար:

Առաջարկում եմ մեր վարվեցողության մեջ որոշակի փոփոխություններ անել: Խնդրում եմ, որ մենք տեքստին ծանոթանանք, ու համապատասխան արարողակարգային ծառայություններին զգուշացնենք, որ միջոցառումների կազմակերպման ժամանակ մասնակիցները տեղեկացվեն, ու գրածը պարզապես թղթին չմնա»,- նշել է Նիկոլ Փաշինյանը։

Մանրամասները՝ տեսանյութում։