Լեհաստանը կասկածներ ունի. չի մասնակցի Խաղաղության խորհդի նիստին

Վարչապետ Դոնալդ Տուսկը հայտարարել է, որ Լեհաստանը չի մասնակցի ԱՄՆ նախագահ Դոնալդ Թրամփի կողմից նախաձեռնված Խաղաղության խորհրդի առաջին նիստին՝ վկայակոչելով խորհրդի շրջանակի և նպատակների վերաբերյալ կասկածներ։

Կառավարության նիստից առաջ ելույթ ունենալով՝ Տուսկը հաստատել է, որ Վաշինգտոնում Լեհաստանի դեսպանատունը բաց հրավեր է ստացել խորհրդի առաջին նիստին, որը նախատեսված է փետրվարի 19-ին Միացյալ Նահանգներում։ Հրավերը հասցեագրված էր կամ Լեհաստանի նախագահին, կամ վարչապետին։

«Սա այն պահն է, երբ պետք է հստակորեն հայտարարել, որ ներկայիս պայմաններում՝ խորհրդի սկզբունքների, իրավական կարգավիճակի և հիմնական նպատակների, այդ թվում՝ Ղազայի վերակառուցման վերաբերյալ, Լեհաստանը չի միանա Խաղաղության խորհրդին», - ասել է Տուսկը։ «Մենք կշարունակենք հետևել իրավիճակին ճկունությամբ և բացությամբ»։

Տուսկը ընդգծել է, որ Միացյալ Նահանգների հետ ամուր հարաբերությունների պահպանումը մնում է Լեհաստանի արտաքին քաղաքականության առաջնահերթությունը։ Նա հավելել է, որ Վարշավան չի բացառում խորհրդին ապագայում միանալը, եթե պայմանները փոխվեն։

«Եթե նախագահը, որպես վկա, որոշի մասնակցել փետրվարի 19-ին ԱՄՆ-ում կայանալիք հանդիպմանը, նա կառավարությունից կստանա ամբողջական տեղեկատվական նյութեր՝ հետագա քայլերի վերաբերյալ», - ասել է Տուսկը։