Եկեղեցին փորձում է դիրքավորվել պետության մեջ․ Փաշինյան
Եկեղեցին չի կարող լինել պետություն՝ պետության մեջ։ Ցավոք, տեսել ենք դրսևորումներ, որ եկեղեցին փորձում է դիրքավորվել ոչ միայն որպես պետություն՝ պետության մեջ, այլ որպես օտարերկրյա պետություն՝ պետության մեջ։ Այս մասին ասել է վարչապետ Նիկոլ Փաշինյանը։
«Եկեղեցին չպետք է զբաղվի քաղաքականությամբ։ Ունենք ինֆորմացիա, որ այդ թվում՝ ՀԱԵ ձևաչափերով մուտք են գործում ստվերային գումարներ՝ ՀՀ-ում քաղաքական նպատակով օգտագործելու համար»,- ասել է նա։
Փաշինյանը նշել է, որ պատարագների ժամանակ չպետք է քաղաքական քարոզներ տարվեն։
Անդրադառնալով ԱՄՆ փոխնախագահի այցին ասել է․ «ԱՄՆ փոխնախագահի այցից ստացանք այն արդյունքը, ինչին սպասում էինք։
Այցի մթնոլորտը նույնիսկ ավելի դրական էր, քան ակնկալվում էր։ Ուրախ եմ արձանագրել, որ այն հանրության շրջանում ունեցավ դրական ընկալում։ Սա կարևոր և արտահայտիչ դրսևորում է մեր բալանսավորման և բալանսավորված արտաքին քաղաքականության»։
