Ուիթքոֆը և Քուշները հանդիպել են Կիրիլ Դմիտրիևին՝ քննարկելու Ուկրաինայի խաղաղության ծրագիրը․ Axios
ԱՄՆ նախագահի հատուկ բանագնաց Սթիվ Ուիթքոֆը և Թրամփի փեսա Ջարեդ Քուշները Փարիզում հանդիպել են ՌԴ նախագահի հատուկ ներկայացուցիչ Կիրիլ Դմիտրիևին՝ քննարկելու Ուկրաինայի խաղաղության ծրագիրը, հայտնում է Axios-ը։
Հրապարակման համաձայն՝ հանդիպումը տեղի է ունեցել ԱՄՆ պատվիրակության և ուկրաինացի ու եվրոպացի պաշտոնյաների, այդ թվում՝ Ուկրաինայի նախագահ Վլադիմիր Զելենսկու և Մեծ Բրիտանիայի, Ֆրանսիայի և Գերմանիայի առաջնորդների միջև բանակցություններից հետո։
Աղբյուրը նշել է նաև, որ Ուկրաինայի հետ ծրագրի գրեթե բոլոր ասպեկտների շուրջ համաձայնության հասնելուց հետո Սպիտակ տունը ցանկանում է ՌԴ նախագահ Վլադիմիր Պուտինից հստակ պատասխան ստանալ առաջարկի վերաբերյալ։
