Պատասխանատուները կհիշվեն. Եվրոպան աջակցում է իրանցիներին. Ուրսուլա ֆոն դեր Լեյեն

Եվրոպական հանձնաժողովի նախագահ Ուրսուլա ֆոն դեր Լեյենը հայտարարել է, որ Եվրամիությունը լիակատար աջակցություն է հայտնում Իրանում անցկացվող հակակառավարական բողոքի ցույցերին, որոնք ցրվում են անվտանգության ուժերի կողմից։ Այս մասին հայտնում է «ԱՊԱ» լրատվական գործակալությունը:

Նրա խոսքով՝ Թեհրանում և Իրանի այլ քաղաքներում բողոքի ցույցերի մասնակիցները պահանջում են «խոսքի ազատություն, հավաքների ազատություն, տեղաշարժի ազատություն և, ամենից առաջ, ապրելու ազատություն»։

«Եվրոպան լիովին աջակցում է նրանց։ Մենք խստորեն դատապարտում ենք Իրանում անցկացվող օրինական ցույցերի դաժան ճնշումը։ Պատասխանատուները կհիշվեն. նրանք հայտնվել են պատմության սխալ կողմում», - ընդգծել է Եվրոպական հանձնաժողովի նախագահ Ուրսուլա ֆոն դեր Լեյենը։

Նա կոչ է արել անհապաղ ազատ արձակել բոլոր ձերբակալված ցուցարարներին, վերականգնել ինտերնետի լիարժեք հասանելիությունը և հարգել մարդու հիմնարար իրավունքները։