Ռուսական շոկոլադի խոշոր ներկրողների թվում է նաև Հայաստանը
2025 թվականի առաջին ինը ամիսների ընթացքում ռուսական շոկոլադի ամենախոշոր ներկրողները եղել են Ղազախստանը, Բելառուսը և Ուզբեկստանը։ Այս մասին վկայում են «ՌԻԱ Նովոստի»-ի ներկայացրած հաշվարկները, որոնք հիմնված են բաց աղբյուրների և ՄԱԿ-ի Comtrade հարթակի տվյալների վրա։
«Ագրոէքսպորտ» կենտրոնի տվյալներով՝ հունվար–սեպտեմբեր ամիսներին Ղազախստանը Ռուսաստանից ներմուծել է շոկոլադ մոտ 192 մլն ԱՄՆ դոլարի չափով։ Նույն ժամանակահատվածում Բելառուսի ներմուծումների ծավալը կազմել է շուրջ 123 մլն դոլար, իսկ Ուզբեկստանը գնել է ավելի քան 68 մլն դոլարի ռուսական շոկոլադ։
Նշված երեք երկրները համարվել են ռուսական շոկոլադի խոշորագույն գնորդները տվյալ ժամանակահատվածում։ Առաջատար հնգյակում են նաև Ադրբեջանը՝ 48 մլն դոլար ներմուծմամբ, և Հայաստանը, որտեղ ներմուծման ծավալը գնահատվել է մոտ 28,5 մլն դոլար։
Ցանկում հաջորդ տեղերը զբաղեցրել են Ղրղզստանը՝ 26,1 մլն դոլար, Վրաստանը՝ 19,5 մլն դոլար և Չինաստանը՝ 14,4 մլն դոլարի ներմուծումներով:
