Գործընթացը բարդ է. Կալասը՝ Ուկրաինային վարկ տրամադրելու մասին

Եվրամիությունում բարդ և լարված քննարկումներ են ընթանում Ուկրաինային վարկ տրամադրելու հարցի շուրջ, որը նախատեսվում է ապահովել Ռուսաստանին պատկանող սառեցված ակտիվների հաշվին։ Այս մասին հայտարարել է ԵՄ արտաքին գործերի և անվտանգության քաղաքականության բարձր ներկայացուցիչ Կայա Կալասը։

«Մենք դեռ չենք հասել վերջնական համաձայնության, և գործընթացը բարդ է, սակայն մենք կատարում ենք մեր աշխատանքը։ Դեռ մի քանի օր ունենք»,- նշել է Կալլասը՝ ընդգծելով, որ բանակցությունները շարունակվում են։

Նրա խոսքով՝ նախաձեռնությունը պահանջում է անդամ պետությունների միջև քաղաքական և իրավական նուրբ համաձայնեցում, քանի որ խոսքը վերաբերում է աննախադեպ ֆինանսական մեխանիզմի կիրառմանը։ ԵՄ ներսում առկա են տարբեր մոտեցումներ՝ ինչպես իրավական ռիսկերի, այնպես էլ հնարավոր հետևանքների վերաբերյալ։