Դատարանը ազատ արձակեց Միհրան Հակոբյանի վրա հարձակում իրականացրած 4 անձին
Դատարանը ազատ արձակեց Միհրան Հակոբյանի վրա հարձակում իրականացրած 4 անձին։ Այս մասին ֆեյսբուքում հայտնել է հասարակական գործիչ Նարեկ Մալյանը։
Հանրային գործիչ, ԱԺ նախկին պատգամավոր Միհրան Հակոբյանի վնասվածքները փորձագետը գնահատել է իբրև թեթև այն դեպքում, երբ նա ստացել է կոտրվածք։ Ավելին, նրա վրա հարձակվողներին ազատ են արձակել դատարանի դահլիճից, երկուսի նկատմամբ կիրառվել է ընդամենը վարչական հսկողություն։ Այս մասին ֆեյսբուքյան լայվի ժամանակ ասել է փաստաբան Ռուբեն Մելիքյանը։
Հիշեցնենք՝ «Դալմա մոլ»-ի ավտոկայանատեղիում տեղի էր ունեցել հարձակում հանրային գործիչ Միհրան Հակոբյանի վրա։
Ավելի ուշ բացահայտվել է ԱԺ նախկին պատգամավորի նկատմամբ բռնություն գործադրած անձանց ինքնությունը։
