Իրավապահները բացել են Գյումրիի Յոթ Վերք եկեղեցին. վիճաբանություններ լրագրողների և քաղաքացիների միջև
Այսօր առավոտյան իրավապահները բացել են Գյումրիի Յոթ Վերք եկեղեցին, որը երեկ երեկոյան քահանաների՝ թղթի վրա գրված ստորագրություններով կնիքվել ու փակվել էր: Քիչ անց այստեղ պատարագ է մատուցվելու, որին ներկա է լինելու վարչապետ Նիկոլ Փաշինյանը:
Քաղաքի կենտրոնական Վարդանանց հրապարակ տանող ճանապարհները փակ են, ոստիկանական մեծ ուժեր են կենտրոնացած Յոթ Վերք եկեղեցու շրջակայքում:
Լարված իրավիճակ է եղել Գյումրիում, որտեղ Յոթ Վերք եկեղեցում պատարագ է մատուցվելու, եկեղեցի մուտք գործելու ժամանակ, մինչ այդ, լրագրողների և քաղաքացիների միջև վիճաբանություններ են եղել:
Հիշեցնենք, դեռ վաղ առավոտյան վարչապետը, ՀՀ նախագահը, ԱԺ նախագահը Սպիտակում հարգանքի տուրք են մատուցել 1988-ի դեկտեմբերի 7-ի երկրաշարժի զոհերի հիշատակին: Սպասվում է նաև Նիկոլ Փաշինյանի այցելությունը Գյումրի, որտեղ Յոթ Վերք եկեղեցում պատարագի է մասնակցելու:
Նշենք, որ Այսօր դեկտեմբերի յոթն է՝ 1988 թվականի Սպիտակի երկրաշարժի զոհերի հիշատակի օրը: 37 տարի առաջ այս օրը, ժամը 11:41-ին տեղի ունեցած երկրաշարժը խլեց 25 հազար մարդու կյանք, ավելի քան կես միլիոն մարդ դարձավ անօթևան:
