Ստեփանակերտի քաղաքապետ Դավիթ Սարգսյանի նկատմամբ խափանման միջոցները վերացվել են. փաստաբան
Tert.am-ի հետ զրույցում փաստաբան Ռուբեն Մելիքյանը հայտնել է, որ Ստեփանակերտի քաղաքապետ Դավիթ Սարգսյանի նկատմամբ կիրառված խափանման միջոցները վերացվել են։
«Դավիթ Սարգսյանի մասով դատն ընթանում է, ավարտական փուլում ենք», -նշել է նա։
Հիշեցնենք, որ մայիսի 26-ին դատարանը նրա նկատմամբ 20 օրով կալանք էր կիրառել, մինչ այդ իրավապահները մի քանի ժամ խուզարկություն էին անցկացրել նրա բնակարանում։ Քննչական կոմիտեն տեղեկացրել էր, որ հանրային քրեական հետապնդում է հարուցվել չորս անձի, այդ թվում՝ Սարգսյանի նկատմամբ, ով մեղադրվում էր խարդախության և փաստաթղթեր կեղծելու մեջ։
Հունիսի 13-ին Երևանի ընդհանուր իրավասության քրեական դատարանի Ավանի նստավայրում դատավոր Մասիս Մելքոնյանը որոշել էր նրա նկատմամբ կիրառել երկու ամիս ժամկետով տնային կալանք։
