Բելգիայի վարչապետը զգուշացնում է Ուկրաինայի ծրագրի խափանման վտանգի մասին

Financial Times-ի հաղորդմամբ՝ Բելգիայի վարչապետ Բարտ դե Վեվերը նամակ է ուղարկել Եվրահանձնաժողովի նախագահ Ուրսուլա ֆոն դեր Լեյենին՝ նախազգուշացնելով այն գործողությունների մասին, որոնք կարող են խաթարել Ուկրաինայի համար նախատեսված խաղաղության ծրագիրը։

Դե Վեվերը նշել է, որ Ռուսաստանի սառեցված ակտիվների բռնագրավումը սպառնում է վտանգել հակամարտության կարգավորման հնարավոր համաձայնագիրը։

Նա առաջարկել է օգտագործել ԵՄ-ի չօգտագործված վարկային ներուժը միասնական բյուջեից՝ Ուկրաինային վարկ տրամադրելու համար՝ նկատելով, որ այդ եղանակով ԵՄ-ն կարող է Կիևին տրամադրել 45 միլիարդ եվրո։

Հաջորդ շաբաթ Եվրոպական հանձնաժողովը կանդրադառնա սառեցված ռուսական ակտիվների բռնագրավմանը վերաբերող իրավական նախաձեռնությանը։ Նախաձեռնությունը ներկայացվելու է, թեև դրա վերաբերյալ կոշտ առարկություններ են հնչել Բելգիայի արտաքին գործերի նախարար Մաքսիմ Պրևոյի կողմից ԵՄ արտաքին գործերի խորհրդի նիստում։