Վլադիմիր Վարդանյանը խնդրեց 10 րոպե նկարել և դուրս գալ սենյակից` արտակարգ դրության կանոնները պահելու համար

ԱԺ Պետաիրավական հարցերի մշտական հանձնաժողովի նիստում քննարկվում են Հայաստանի Հանրապետության դատական օրենսգրքում փոփոխություններ կատարելու մասին, «Նոտարիատի մասին» Հայաստանի Հանրապետության օրենքում լրացումներ կատարելու մասին, Հայաստանի Հանրապետության քրեական օրենսգրքում լրացում կատարելու մասին, Հայաստանի Հանրապետության քաղաքացիական դատավարության օրենսգրքում լրացում կատարելու մասին, «Արժեթղթերի շուկայի մասին» Հայաստանի Հանրապետության օրենքում փոփոխություններ եւ լրացումներ կատարելու մասին, «Ազգային ժողովի կանոնակարգ» Հայաստանի Հանրապետության սահմանադրական օրենքում փոփոխություններ կատարելու մասին և մի շարք այլ օրենքի նախագծեր: Հանձնաժողովի նախագահ Վլադիմիր Վարդանյանը լրագրողներին և օպերատորներին խնդրեց, որպեսզի 10 րոպե նկարահանեն և դուրս գան, քանի որ սենյակում մարդկանց թիվը 20 հոգուց ավել էր լինում: Նշենք, որ նիստը օնլայն հեռարձակվում է, ցանկացողները կարող են հետևել: