Ռուսաստանի ԱԳՆ-ն՝ «կոշտ» հայտարարություն է տարածել․ լեհական ղեկավարության թշնամական քայլն իր պատասխանը ստացավ

Ռուսաստանի Արտաքին գործերի նախարարությունը հայտնել է, որ Լեհաստանի դեսպանին ներկայացվել է  բողոքի նոտա՝ կապված Գդանսկում Ռուսաստանի գլխավոր հյուպատոսության գործունեության թույլտվության չեղարկման հետ։

Նշենք, որ լեհական իշխանությունների կողմից Գդանսկում Ռուսաստանի գլխավոր հյուպատոսության գործունեության թույլտվությունը 2025 թվականի դեկտեմբերի 23-ից չեղարկելու որոշմանն ի  պատասխան  ռուսական կողմը սահմանել է, որ Իրկուտսկում Լեհաստանի գլխավոր հյուպատոսության գործունեության թույլտվությունը դադարեցվի 2025 թվականի դեկտեմբերի 30-ից։ 

Արտաքին քաղաքական գերատեսչության տարածած հայտարարությունում ընդգծվել է, որ Լեհաստանում Ռուսաստանի հյուպատոսական ներկայության փակումը ներկայացվում է «անհեթեթ պատրվակով» և գնահատվում է որպես լեհական ղեկավարության բացահայտ թշնամական ու անարդարացի քայլ։ Ավելացվել է, որ ի պատասխան փակվելու է նաև Ռուսաստանում գործող լեհական հյուպատոսական վերջին գրասենյակը։

Հիշեցնենք, որ  Լեհաստանի ԱԳ նախարար Ռադոսլավ Սիկորսկին հայտնել էր, որ Լեհաստանը հետ է կանչում իր համաձայնությունը Գդանսկում Ռուսաստանի հյուպատոսության գործունեության վերաբերյալ։