Լիդյա Մանթաշյանի կալանքը վերացվել է
Դատարանը վերացրեց Բագրատ արքեպիսկոպոս Գալստանյանի և մյուսների գործով միակ կին մեղադրյալ Լիդյա Մանթաշյանի կալանքը, կիրառեց վարչական հսկողություն և գրավ:
Դատախազները, որ անցած շաբաթ դեմ էին Մանթաշյանի ազատ արձակմանը, այսօր ընդունելի համարեցին փաստաբանների հիմնավորումներն ու մտահոգությունները և առաջարկեցին կիրառել բացակայելու արգելք՝ գրավով:
Դատարանը որոշել է վերացնել Լիդյա Մանթաշյանի կալանքն ու նրա նկատմամբ կիրառել նոր խափանման միջոց՝ վարչական հսկողություն։ Որպես լրացուցիչ պայման սահմանվել է 2 միլիոն 500 հազար դրամ գրավ։
