ՏԵՍԱՆՅՈՒԹ. Գտնվում եմ ադրբեջանական քաղաք Էրիվանում. ո՞ւր է նայում ԱԱԾ-ն, երբ ադրբեջանցին ազատ շրջում է Երևանում

Ֆեյսբուք սոցիալական ցանցի ադրբեջանական էջերից մեկում տեսանյութ է տարածվել, որտեղ ռուսախոս ադրբեջանցին, գտնվելով Երևանի տարբեր հատվածներում, փնովում է ՀՀ ազգային անվտանգության ծառայություններին: Վերջինս տեսանյութում բարևում է և ասում, որ այդ պահին գտնվում է ադրբեջանական հնագույն քաղաքներից մեկում` Էրիվանում: 

«Շատ վատ եք աշխատում Հայաստանի հատուկ ծառայություններ: Նույնիսկ չփորձեցիք տեսնել` ով է: Ադրբեջանի հատուկ ծառայությունները անելանելի վիճակում են դրել օկուպացված Հայաստանի հատուկ ծառայություններին»,- տեսանյութում ասում է Նարիման Կարայեվ անունով ադրբեջանցի տղամարդը: Նույնաբովանդակ այս տեսանյութերը ադրբեջանցու կողմից համացանցում տարածվել է 22 ժամ առաջ: Ի դեպ` նրա ֆեյսբուքյան էջում գրված է, որ ապրում է Բաքվում, բայց Վեդիից է: 

ՀՀ Ազգային անվտանգության ծառայությունն այս առնչությամբ դեռևս որևէ հայտարարություն չի արել: Հայաստանի անվտանգությունը երաշխավորող կառույցի կողմից որևէ արձագանք չկա: Ինչպե՞ս է ադրբեջանցի տղամարդը հայտնվել Երևանում: Ինչպե՞ս են թույլ տվել Երևանի տարբեր հատվածներից նման տեսանյութեր ու մեկնաբանություններ հրապարակել: Հնարավոր է տղամարդը Իրանի քաղաքացիություն ունի և այդկերպ է մուտք գործել Հայաստան: Հարցեր են, որոնք դեռևս պատասխան չունեն: Բոլոր դեպքերում ՀՀ ազգային անվտանգության ծառայությունը պարտավոր է բացառել նման դեպքերը: Հուսանք ԱԱԾ-ն արագ կարձագանքի: 

Մանրամասները` տեսանյութում