Հայաստանում աճել է բարձր աշխատավարձ ստացողների թիվը
Հայաստանում աճել է բարձր աշխատավարձ ստացողների թիվը: Այս մասին հայտնել է Էկոնոմիկայի նախարար Գևորգ Պապոյանը;
Կառավարության նիստում Պապոյանը տեղեկացրել է, որ 2 միլիոն դրամից ավելի աշխատավարձ ստացող աշխատողների թիվը այս տարվա հոկտեմբերին անցած տարվա նույն ամիսից ավելացել է 1338-ով։ Նրա խոսքով՝ 500 հազարից 2 միլիոն դրամ աշխատավարձ ստացողների թիվը աճել է 12 հազար 556-ով, ինչը կազմում է 14.3 տոկոս։
«150 հազար դրամից 500 հազար դրամ աշխատավարձ ստացող մարդկանց թիվն ավելի է 24 հազար 684-ով կամ՝ 7.8 տոկոսով»,– նշել է Պապոյանը։ Միաժամանակ, ըստ նրա, մինչև 150 հազար դրամ աշխատավարձ ստացողների թիվը նվազել է 7655-ով։
