Գեղամ Մանուկյանի որդուն ռեկտորը արգելել է քննությունները հանձնել. Իշխանյան
Հայաստանի հելսինկյան կոմիտեի նախագահ, իրավապաշտպան Ավետիք Իշխանյանն իր ֆեյսբուքյան էջում գրել է.
«Գեղամ Մանուկյանի գրառումից պարզվեց, որ Երևանի պետական համալսարանի ռեկտորի պաշտոնը զավթած ՔՊ-ական Հովհաննես Հովհաննիսյանն արգելել է քաղբանտարկյալ Տարոն Մանուկյանին հանձնել 3-րդ կուրսի ավարտական քննությունները։ Եվ այդ ողորմելին համարվում է գիտնակա՞ն։
Հիշեցնեմ բոլորին, ազատազրկվածներն ուսման իրավունք ունեն։
«Նախկին» իշխանությունների ժամանակ ինձ առնվազն հայտնի են երկու նման դեպքեր՝ ցմահ դատապարտվածներ Արսեն Արծրունի և Մհեր Ենոքյան։ Ահա և ձեզ ժողովրդավարություն և մարդու իրավունքներ։ Եվ ի՞նչ են մտածում այս մասին Հայաստանի իրավապաշտպան կոչեցյալները»։
