Սպասեք, դեռ վաղ է դա ասել. Պեսկովը` պատերազմի ավարտի մասին

Ռուսաստանի նախագահի մամուլի քարտուղար Դմիտրի Պեսկովը նշել է, որ պետք չէ շտապել Ուկրաինայի հակամարտության մոտալուտ ավարտի մասին եզրակացություններով։

Կրեմլի խոսնակը, արձագանքելով այն տեսակետին, թե կողմերը երբևէ այսքան մոտ չեն եղել խաղաղության համաձայնագրի ստորագրմանը, ասել է. «Սպասեք։ Դեռ վաղ է դա ասել»։ Պեսկովը կարծիք է հայտնել, որ տարբեր երկրներում, այդ թվում՝ Միացյալ Նահանգներում, կլինեն մարդիկ, ովքեր կփորձեն խաթարել խաղաղության գործընթացը։

Ավելի վաղ ՆԱՏՕ-ի գլխավոր քարտուղար Մարկ Ռյուտեն նշել էր, որ Ուկրաինայի հակամարտությունը կարող է ավարտվել մինչև 2025 թվականի վերջը։