Էրդողանը հայտարարել է Թուրքիայի վրա հարձակումների մասին

Թուրքիայի նախագահ Ռեջեփ Թայիփ Էրդողանը հայտարարել է Գազայի իրավիճակի վերաբերյալ իր դիրքորոշման պատճառով երկրի վրա հարձակումների մասին: Ելույթի հեռարձակումը հասանելի է պետության ղեկավարի Facebook-ի էջում: Տեղեկությունը փոխանցում է lenta.ru-ն:

«Մենք ականատես ենք մեր եղբայրության վրա հարձակումների ուժեղացմանը, որը մեր ազգային գոյատևման գրավականն է»,- հայտարարել է նա՝ ընդգծելով, որ նման հարձակումների պատճառներն են Անկարայի վճռականությունը՝ պաշտպանելու իր իրավունքներն ու շահերը, ինչպես նաև նրա անզիջում դիրքորոշումը պաղեստինյան հարցում:

Էրդողանն ընդգծել է, որ Թուրքիան հանդես է եկել ի պաշտպանություն ճնշված պաղեստինցիների՝ Իսրայելի գործողություններն անվանելով վայրագության քաղաքականություն։

Ավելի վաղ Էրդողանը Ադոլֆ Հիտլերի հետ համեմատել էր Իսրայելի վարչապետ Բենիամին Նեթանյահուին՝ Գազայի հատվածի նկատմամբ նրա քաղաքականության պատճառով: