Ֆրանսիայում մինչև 15 տարեկան երեխաներին կարգելվի օգտվել սոցցանցերից

Ֆրանսիայի նախագահ Էմանուել Մակրոնը հայտարարել է, որ սեպտեմբերի 1-ից երկրում մինչև 15 տարեկան երեխաներին կարգելվի օգտվել սոցիալական ցանցերից։

«Ես ստանձնել էի այս պարտավորությունը, և այսօր դրա օգտին քվեարկեցին։ Նոր ուսումնական տարվա մեկնարկից մինչև 15 տարեկան երեխաների համար սոցիալական ցանցերը կարգելվեն», — ասել է Մակրոնը։

Նա շնորհակալություն է հայտնել խորհրդարանականներին և նշել, որ այժմ որոշումը պետք է քննարկի Սահմանադրական խորհուրդը, իսկ դրանից հետո անհրաժեշտ կլինի իրականացնել նոր կարգավորումը գործնականում՝ երեխաներին առցանց միջավայրում պաշտպանելու համար։